Skip This
Skip This
निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ श्रावण २३ सोमबार
  • Monday, 08 August, 2022
२०७९ असार ११ शनिबार १७:२५:००
Read Time : < 1 मिनेट
समाचार डिजिटल संस्करण

दुई बालिकालाई जबर्जस्ती करणी गरेको आरोपमा एकजनाविरुद्ध उजुरी  

Read Time : < 1 मिनेट
२०७९ असार ११ शनिबार १७:२५:००

झापाको गौरादह नगरपालिकामा- ७ र ११ वर्षीय दुई बालिकालाई जबर्जस्ती करणी गरेको आरोपमा एक पुरुषविरुद्ध जाहेरी परेको छ । पीडित परिवारले गौरादह– ३ का २९ वर्षीय तारावीर राईविरुद्ध इलाका प्रहरी कार्यालय दमकमा जाहेरी दिएका हुन् । बलात्कार आरोपित राई र ती दुई बालिका छिमेकी हुन् । 

गत ५ असारमा ७ वर्षीया बालिका र ८ असारमा ११ वर्षीया बालिकालाई राईले चकलेट  दिई फकाएर आफ्नो घरमा लगी जबर्जस्ती करणी गरेको भनी कार्यालयमा उजुरी परेको इलाका प्रहरी कार्यालय दमकका डिएसपी दिलीपकुमार गिरीले जानकारी दिए । ‘स्कुलबाट आउने क्रममा चकलेट दिएर पछि पैसा दिने भन्दै आफ्नै घरको कोठामा लगेर करणी गरेको जाहेरी आएको छ,’ इलाका प्रहरी कार्यालय दमकका प्रमुख गिरीले भने, ‘दुवै बालिकालाई सँगै राखेर बलात्कार गरेको जाहेरी आएको छ । तर, मिति भने फरक–फरक छ ।’

ती बालिकाहरूले विद्यालयको शिक्षिकालाई भनेको र शिक्षिकाले घर–परिवारमा भनेपछि घटना बाहिरिएको डिएसपी गिरीले बताए । पीडित फरक भएको र बलात्कार गरेको समय पनि फरक परेकाले दुईवटा छुट्टाछुट्टै जोहरी दर्ता गरेर अनुसन्धान भइरहेको उनले बताए । प्रहरीले राईलाई शुक्रबार साँझ पक्राउ गरेको छ । ‘शुक्रबार साँझ पक्राउ गरेका हौँ । शनिबार अदालत बन्द थियो,’ उनले भने, ‘आइतबार म्याद थप गरेर अनुसन्धान अघि बढाउँछौँ ।’ 

राईमाथि लागेको आरोप पुष्टि भएमा जन्मकैद हुनेछ । मुलुकी अपराध संहिताअनुसार १० वर्षमुनिका बालबालिकालाई जबर्जस्ती करणी गरेमा जन्मकैद हुने डिएसपी गिरीले बताए । यस्तै, १० वर्षमाथि र १४ वर्षमुनिका बालिकालाई जबर्जस्ती करणी भएको पुष्टि भए १८ देखि २० वर्ष कैद हुन सक्ने डिएसपी गिरीले बताए । राईमाथि दुईवटा मुद्दामा अनुसन्धान भइरहेको छ ।