- वि.सं २o७९ असार ६ सोमबार
कपिलवस्तुमा अविरल वर्षासँगै आएको पहिरोले पुरिएर बेपत्ता भएका दुई भारतीय नागरिकमध्ये एकजनाको शव फेला परेको छ। पहिरोमा परेर हराएकामध्ये एकजनाको शव फेला परेको र अर्का व्यक्तिको खोजीकार्य जारी रहेको जिल्ला प्रहरी कार्यालय कपिलवस्तुले जनाएको छ।
शिवराज नगरपालिका वडा नं. १ पैरा खोलामा सोमबार बिहान दुई भारतीय पहिरोमा परी बेपत्ता भएका थिए। प्युठानको स्वर्गद्वारी मन्दिर दर्शन गरी फर्कँदै गर्दा भारतको बलरामपुर बस्ने १७ वर्षीय निखिल कौशल र सोही ठाउँका सुरज सोनी पहिरोमा पुरिएका थिए।
उनीहरू सवार गाडी पहिरो खसेको ठाउँमा रोकिएपछि बाटो पार गर्न खोस्दा माथिबाट आएको पहिरोमा पुरिएका वडा प्रहरी कार्यालय चन्द्रौटाले जनाएको छ।
