- वि.सं २o७९ जेठ ७ शनिबार
दाङको तुलसीपुर उपमहानगरपालिकामा गठबन्धन र एमालेका उम्मेदवारबीच कडा प्रतिस्पर्धा
दाङको तुलसीपुर उपमहानगरपालिकामा गठबन्धन र एमालेका उम्मेदवारबीच कडा प्रतिस्पर्धा देखिएको छ । २७ हजार ८३ मत गन्दा एमालेका टीकाराम खड्का एक सय ८३ मतले अघि छन् ।
उनले ११ हजार दुई सय ५६ मत प्राप्त गरेका छन् । यता गठबन्धनबाट कांग्रेसका उम्मेदवार गेहेन्द्र गिरीले ११ हजार ७३ मत ल्याएका छन् ।
उपमेयरमा भने सुरुवातदेखि नै एमाले अग्रस्थानमा छ । एमालेका तर्फबाट उपमेयरका उम्मेदवार स्यानी चौधरीले १० हजार पाँच सय ४२ मत प्राप्त गरेर अग्रस्थानमा छन् भने गठबन्धनको तर्फबाट एकीकृत समाजवादीका उम्मेदवार जोगबहादुर राणाले आठ हजार पाँच सय २६ मत ल्याएका छन् । उपमेयरमा स्यानी सुरुदेखि नै अग्रस्थानमा छन् ।
तुलसीपुरमा यसअघिको स्थानीय तह निर्वाचनमा एमालेले विजयी हासिल गरेको थियो । तुलसीपुरमा एक लाख एक हजार चार सय ६० मतदाता रहेकोमा ७४हजार तीन सय ३६ जनाले मतदान गरेका थिए ।
