भरतपुर महानगरपालिकामा रेनु ५१६७ मतसहित अग्रस्थानमा, एमालेको पकडमा रेनुलाई पपुलर मत

Read Time : < 1 मिनेट

विवेक पोख्रेल, भरतपुर

नयाँ पत्रिका

२o८१ बैशाख ३१ सोमबार o८:३५:oo

भरतपुर महानगरपालिकामा गठबन्धनबाट उम्मेदवार बनेकी माओवादी केन्द्रकी रेनु दाहाल पाँच हजार एक सय ६७ मतान्तरले अगाडि छिन् । निर्वाचन अधिकृतको कार्यालयले दिएको पछिल्लो जानकारीअनुसार ७० हजार सात सय ७५ मत गणना गर्दा दाहालको २७ हजार पाँच सय २३ मत आएको छ ।

त्यस्तै, एमालेका उम्मेदवार विजय सुवेदीको २२ हजार तीन सय ६० मत आएको छ भने स्वतन्त्र उम्मेदवार जगन्नाथ पौडेलको नौ हजार ६ सय दुई मत आएको छ । उपमेमयरमा गठबन्धनका उम्मेदवार चित्रसेन अधिकारी २९ हजार ६ सय ७५ मतसहित अग्रस्थानमा छन् ।

उनलाई १७ हजार तीन सय ९३ मतसहित एमाले–राप्रपा गठबन्धनकी हिमला गुरुङले पछ्याइरहेकी छिन् । अहिले भरतपुर १५ को मतगणना भइरहेको छ । सोही वडामा एमालेले आफ्नो पकड भने पनि रेनु दाहाललाई पपुलर भोट आइरहेको छ ।

#भरतपुर महानगरपालिका