- वि.सं २o७९ जेठ ६ शुक्रबार
कालीकोटको पचालझरना गाउँपालिकामा अध्यक्ष र उपाध्यक्ष दुवैमा माओवादी केन्द्रका उम्मेदवार विजयी भएका छन् । नेपाली कांग्रेस र नेकपा एमालेको गठबन्धनलाई हराउँदै माओवादीले अध्यक्ष र उपाध्यक्ष दुवै जितेको हो । अध्यक्षमा देवराज शाही र उपाध्यक्षमा अल्किना बम विजयी भएका छन् । अध्यक्षमा शाहीले दुई हजार तीन सय ६२ मत ल्याएर विजयी भएको र बमले दुई हजार तिन सय ९८ मत ल्याएर उपाध्यक्षमा विजयी भएको मुख्य निर्वाचन अधिकृतको कार्यालय कालीकोटले जनाएको छ ।
अध्यक्षमा शाहीका निकटतम् प्रतिद्वन्द्वी नेपाली कांग्रेसका टेकबहादुर बुढाले दुई हजार सात सय २९ मत ल्याए भने उपाध्यक्ष बमका निकटतम प्रतिद्वन्द्वी एमालेका रन रोकायाले एक हजार दुई सय ३६ मत ल्याए । नौवटा वडा रहेको गाउँपालिकामा आठवटा वडामा माओवादी केन्द्र विजयी भएको छ भने एउटामा नेपाली कांग्रेस विजयी भएको निर्वाचन कार्यालयले जनाएको छ ।
