- वि.सं २o७९ जेठ ४ बुधबार
बाग्लुङको काठेखोला गाउँपालिका अध्यक्षमा नेपाली कांग्रेसका राजु थापा र उपाध्यक्षमा राष्ट्रिय जनमोर्चाका तेजेन्द्र थापा ‘तिलक’ विजयी भएका छन्। अध्यक्ष थापाले निकटतम प्रतिद्वन्द्वी नेकपा एमालेका डिलबहादुर कार्कीसँग एक हजार मतान्तरले जित हासिल गरेका हुन्।
थापाले ७ हजार ७ सय ५० मत प्राप्त गरेका छन् भने कार्कीले ६ हजार ७ सय ५० मत प्राप्त गरेका छन्। उपाध्यक्षमा तिलक थापाले आफ्ना प्रतिद्वन्द्वी कोपिला पुनलाई २ सय ६५ मतान्तरले पराजित गरेका छन्। थापाले ६ हजार ७ सय १२ मत प्राप्त गरेका छन् भने पुनले ६ हजार ४ सय ४७ मत प्राप्त गरेका छन्। काठेखोला गाउँपालिकामा १४ हजार ७ सय ३३ मत खसेको थियो।
