- वि.सं २o८१ जेठ १ मंगलबार
सप्तरीको हनुमाननगर कंकालिनी नगरपालिकाको प्रमुख पदमा जनमत पार्टीका उम्मेदवार निर्वाचित भएका छन् । जनमतका मेयर पदका उम्मेदवार वीरेन्द्र माझीले ६ हजार ४०७ मत प्राप्त गर्दै निर्वाचित भएका हुन् ।उनका प्रतिद्वन्द्वी जनता समाजवादी पार्टी (जसपा)का शैलेशकुमार साहले ६ हजार २४६ मत प्राप्त गरेका छन् ।
साह निवर्तमान मेयर हुन् भने सप्तरी निर्वाचन क्षेत्र नं १(ख) को प्रदेश सभा सदस्य एवं मधेस प्रदेशका समाजिक विकासमन्त्री नवलकिशोर साहका छोरा हुन् । त्यस्तै, उपमेयरमा जसपाकी उम्मेदवार सरितादेवी यादव सिपालिया निर्वाचित भएकी छिन् । उनले ६ हजार ५१२ मत प्राप्त गरेकी छिन् । उनका निकटतम प्रतिद्वन्द्वी जनमतकी रेखादेवी मण्डलले ५ हजार ९८२ मत प्राप्त गरिन् ।
