- वि.सं २o७९ जेठ ३ मंगलबार
धनकुटाको छथर–जोरपाटी गाउँपालिकाको अध्यक्षमा नेपाली कांंग्रेसका उम्मेदवार छत्रबहादुर सुब्बा विजयी भएका छन्। गएराति सम्पन्न मतगणनाको नतिजाअनुसार चार हजार तीन सय ५९ मतसहित कांग्रेस उम्मेदवार सुब्बा विजयी भएका हुन्।
गठबन्धनको तर्फबाट उम्मेदवार बनेका सुब्बा एक सय ९५ मतान्तरले विजयी भएका हुन्। उनका निकटतम् प्रतिद्वन्द्वी नेकपा एमालेका उम्मेदवार शेरबहादुर लिम्बूले चार हजार एक सय ६४ मत ल्याएका छन्।
यता गाउँपालिका उपाध्यक्षमा गठबन्धनको तर्फबाट उम्मेदवार बनेकी माओवादी केन्द्रकी गीता गुरुङ विजयी भएकी छिन्। उनले चार हजार तीन सय ८७ मत प्राप्त गरेकी छिन्। उनकी निकटतम् प्रतिद्वन्द्वी नेकपा एमालेकी गोमा कार्कीले तीन हजार ६ सय ९१ मत ल्याएकी छन्। एमालेकी कार्कीलाई ६ सय ९६ मतान्तरले पराजित गर्दै माओवादीकी गुरुङ उपाध्यक्षमा निर्वाचित भएकी हुन्।
