तनहुँको घिरिङ गाउँपालिका अध्यक्ष र उपाध्यक्षमा नेकपा एमालेका उमेदवार विजयी भएका छन् । गाउँपालिकाको अध्यक्षमा चार हजार तीन सय ३१ मत प्राप्त गरी नेकपा एमालेका होमबहादुर थापा निर्वाचित भएका हुन् । उनका प्रतिस्पर्धी नेपाली कांग्रेसका गंगा कुमालले तीन हजार पाँच सय ५४ मत प्राप्त गरेका थिए ।
त्यस्तै, उपाध्यक्षमा चार हजार चार सय ८१ मत प्राप्त गरी नेकपा एमालेका राधादेवी अधिकारी विजयी भएकी छिन् । उनका प्रर्तिस्पर्धी नेकपा एकीकृत समाजवादीका पूर्णबहादुर थापाले दुई हजार सात सय ४७ मत ल्याएका थिए । घिरिङमा नेपाली कांग्रेस र नेकपा एकीकृत समाजवादीबीच गठबन्धन भएको थियो ।