- वि.सं २o७९ जेठ २ सोमबार
काठमाडौं महानगरपालिकाको पछिल्लो मतपरिणामअनुसार मेयरका स्वतन्त्र उम्मेदवार बालेन साहले ८ हजार २४८ मत प्राप्त गरेका छन्। राष्ट्रिय सभागृहमा भइरहेको मतगणनामा हालसम्म उनी अग्रपंक्तिमा छन्।
उनलाई पछ्याइरहेका एमालेका केशव स्थापितले प्राप्त गरेको मत संख्या ४ हजार ३४२ रहेका छन् ।
कांग्रेसकी उम्मेदवार सिर्जना सिंहले ३ हजार ७८१ मत ल्याएकी छिन्। हालसम्म काठमाडौं महानगरपालिकाको झन्डै २० हजार मतगणना भइसकेको बताइएको छ। राष्ट्रिय सभागृहमा सात स्थानमा मतगणना जारी छ ।
