निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १२ आइतबार
  • Sunday, 26 June, 2022
२०७९ जेठ १ आइतबार २०:२५:००
Read Time : < 1 मिनेट
निर्वाचन डिजिटल संस्करण

पाल्पामा सुरक्षाकर्मी र गठबन्धनका कार्यकर्ताबीच झडप, ३ घाइते 

Read Time : < 1 मिनेट
२०७९ जेठ १ आइतबार २०:२५:००

पाल्पाको रम्भा गाउँपालिकामा फर्जी मतको विषयमा विवाद हुँदा आक्रोशित कार्यकर्ताले प्रहरीलाई आक्रमण गर्न खोजेपछि झडप भएको छ । गठबन्धनका कार्यकर्ताले प्रहरीको घेरा तोड्ने, भवनको सिसा फुटाउने र सुरक्षाकर्मीमाथि आक्रमण गरेको पाल्पाका प्रमुख जिल्ला अधिकारी जगन्नाथ पन्तले जानकारी दिए । कार्यकर्ताको आक्रमणबाट ३ जना सुरक्षाकर्मी घाइते भएका छन् । स्थितिलाई नियन्त्रणमा लिन प्रहरीले ८ सेल अश्रु ग्यास प्रहार गरेको छ ।

हिजो बेलुकी फर्जी मत भेटिएपछि मतगणना गर्न बन्द गरिएको थियो । दलहरूले गाउँपालिकामा पुनः मतदान गराउन माग गरेका छन् । सत्तारूढ गठबन्धनमा आबद्ध माओवादी, कांग्रेस र एकीकृत समाजवादी तथा मंगोल नेसनलले छलफलमा बस्नसमेत नमानेको कारण समस्या भएको बताइएको छ ।

दलहरूले संयुक्त विज्ञप्ति जारी गर्दै हालसम्म सार्वजनिक नतिजाप्रति असहमति राखी पुनः मतदानको माग राखेका हुन् । वडा नम्बर ५ ताहुँको मतगणना गर्ने क्रममा ७४ फर्जी मत भेटिएको थियो । मतपेटिका ढुवानी गर्दा आफ्ना प्रतिनिधिलाई सहभागी नगराइएको, एकपक्षीय प्रतिनिधिहरूलाई प्रवेश दिइएकोलगायतका कारण औँल्याउँदै उनीहरूले पुनः मतदानको माग गरेका हुन् ।