- वि.सं २o७९ जेठ १ आइतबार
रसुवाको नौकुण्ड गाउँपालिका–३ र गोसाइँकुण्ड गाउँपालिका–५ मा नेकपा (एमाले)को प्यानलै विजयी भएको छ। नौकुण्ड–३ को वडाध्यक्षमा एमालेका लोकेन्द्रदेव मोक्तान ६ सय ७६ मत ल्याएर विजयी भए । उनका निकटतम प्रतिद्वन्द्वी नेपाली कांग्रेसका ओमबहादुर घलेले चार सय ७६ मत ल्याए । वडासदस्यहरूमा एमालेबाटै मेम्बर तामाङ, मनकाजी ग्याबा, अनिता घले र देउमाया विक विजयी भएका छन् ।
यता, गोसाइँकुण्ड गाउँपालिका–५ को अध्यक्षमा एमालेका दावा मिङमार तामाङ विजयी भएका छन्। उनले सात सय ७८ मत ल्याउँदा उनका निकटतम प्रतिद्वन्द्वी नेपाली कांग्रेसका ङवाङदोर्जे तामाङले सात सय २५ मत ल्याए । वडासदस्यमा एमालेका कामी छिरिङ तामाङ, विविरानी तामाङ, डोल्मा याङजेन तामाङ र कान्छीलाटी कामिनी विजयी भएका छन् ।
