निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १२ आइतबार
  • Sunday, 26 June, 2022
नयाँ पत्रिका काठमाडौं
२०७९ बैशाख २७ मंगलबार १५:५७:००
Read Time : > 1 मिनेट
अर्थ डिजिटल संस्करण

सेयर बजारमा हरियाली, नेप्से ४४ अंकले बढ्यो

Read Time : > 1 मिनेट
नयाँ पत्रिका, काठमाडौं
२०७९ बैशाख २७ मंगलबार १५:५७:००

साताको तेस्रो कारोबार दिन मंगलबार सेयर बजार मापक नेप्से परिसूचक उच्च अंकले वृद्धि भएको छ। आइतबारबाट वृद्धि हुन थालेको नेप्से मंगलबार पनि बढेको छ। आज नेप्से परिसूचक ४४.१६ अंकले वृद्धि भएर दुई हजार तीन सय १३ बिन्दुमा पुगेको छ।

आज कारोबारमा आएका दुई सय २६ कम्पनीका ३३ लाख ३० हजार एक सय ५० कित्ता सेयर एक अर्ब ३५ करोड ६६ लाख ८७ हजार चार सय ६९ रुपैयाँबराबरमा खरिद–बिक्री भएको छ। कारोबार रकममा भने सोमबारको तुलनामा मंगलबार सामान्य गिरावट आएको छ। सोमबार एक अर्ब ३९ करोड ६ लाख सात हजार रुपैयाँबराबरको सेयर कारोबार भएको थियो।

नेप्सेका सबै १३ उपसमूहमा हरियाली छाएको छ। जलविद्युत् उपसमूहको सूचक सबैभन्दा धेरै ३.८० प्रतिशतले बढेको छ भने फाइनान्स उपसमूहको ३.२७ प्रतिशत बढेको छ। विकास बैंक, अन्य, जीवन बिमा र लगानी उपसमूहको परिसूचक २ प्रतिशतभन्दा बढीले वृद्धि भएको छ। त्यस्तै, बैंकिङ, होटेल तथा पर्यटन, निर्जीवन बिमा, उत्पादन तथा प्रशोधन, लघुवित्त उपसमूहको परिसूचक १ प्रतिशतभन्दा धेरैले बढेको छ। व्यापार र म्यचुयल फन्ड उपसमूहको सूचक एक प्रतिशतभन्दा कमले बढेको छ।

आज तीनवटा कम्पनीको सेयर सकारात्मक सर्किट लेभलमा कारोबार भएको छ । ङादी ग्रुप पावर कम्पनी, बरुण हाइड्रोपावर र जाल्पा सामुदायिक लघुवित्तको सेयर सकारात्मक सर्किट लेभलमा कारोबार भएको हो। त्यस्तै, युनिभर्सल पावर कम्पनी, दिव्यश्वरी हाइड्रोपावर र नेसनल हाइड्रोपावर कम्पनीको सेयर मूल्य ९ प्रतिशतले बढेको छ। यता, उन्नति सहकार्य लघुवित्तको सेयरमूल्य सबैभन्दा धेरै २.५२ प्रतिशतले घटेको छ भने गुराँस लघुवित्तको १.६१ प्रतिशत र तारागाउँ रिजेन्सी होटेलको १.५४ प्रतिशतले घटेको छ।

मंगलबार ङादी ग्रुप पावरको सबैभन्दा धेरै नाै करोड ९८ लाख रुपैयाँको सेयर कारोबार भएको छ भने अरुण भ्याली हाइड्रोपावरको चार करोड २५ लाख र नेपाल दूरसञ्चार कम्पनीको तीन करोड २८ लाख रुपैयाँको सेयर कारोबार भएको छ।