- वि.सं २o७९ बैशाख १४ बुधबार
अढाई वर्षअघि पक्राउ परेका नेत्रविक्रम चन्द विप्लव नेतृत्वको नेकपाका कार्यकर्ता थुनामुक्त भएका छन् । नेकपाका मोरङ जिल्ला सेक्रेटरी कुमार खतिवडा र जिल्ला नेता बालकुमार डाँगी थुनामुक्त भएका हुन् । १६ असोज ०७६ मा संगठित अपराध तथा विस्फाेटक पदार्थसम्बन्धी कसुरमा पक्राउ परेका सेक्रेटरी खतिवडा र नेता डाँगी सोमबार मोरङ अदालतको फैसलाबाट थुनामुक्त भएका हुन् ।
जिल्ला अदालत मोरङका न्यायाधीश किशोर घिमिरेको इजलासले उनीहरूलाई धरौटीमा छाड्ने फैसला गरको थियो । सेक्रेटरी खतिवडा र डाँगी दुवै मोरङको बुढीगंगा गाउँपालिकानिवासी हुन् । अदालतबाट छुटेका दुवैले नेकपामा नै रहेर सक्रिय राजनीति गर्ने बताएका छन् ।
