नेपाली कांग्रेसका केन्द्रीय सदस्य प्रदीप पौडेलले वैदेशिक रोजगारबाट नागरिकले पठाएको पुँजीलाई उत्पादनमा जोड्ने विशेष कार्यक्रम हुनुपर्ने बताएका छन् । शुक्रबार सामाजिक सञ्जाल ट्विटरमार्फत नेता पौडेलले रेमिट्यान्स तथा वैदेशिक रोजगारीबाट नागरिकले पठाइरहेको पुँजीलाई ‘च्यानलिङ गरेर उत्पादनसँग जोड्नका लागि राज्यसँग विशेष कार्यक्रम हुनुपर्ने बताएका हुन् ।
अनुत्पादक क्षेत्रमा बढेको लगानीलाई रोकेर वैदेशिक सहयोग, ऋण र अनुदानभन्दा नागरिकमार्फत लगानीको वातावरण निर्माण गर्नुपर्ने उनको भनाइ छ ।
‘वैदेशिक सहयोग, ऋण र अनुदानभन्दा प्राथमिकतामा नागरिकमार्फत लगानीको वातावरण निर्माण गर्नुपर्छ । अनुत्पादक क्षेत्रमा बढेको लगानी रोकेर उत्पादनमा जोड्न सक्नुपर्छ । रेमिट्यान्सलगायत वैदेशिक रोजगारीबाट नागरिकले पठाइरहेको पुँजीलाई च्यानलिङ गरेर उत्पादनमा जोड्ने विशेष कार्यक्रम हुनुपर्छ,’ पौडेलको ट्विट छ ।
वैदेशिक सहयोग,ऋण र अनुदान भन्दा प्राथमिकतामा नागरिक मार्फत लगानीको वातावरण निर्माण गर्नुपर्छ।अनुत्पादक क्षेत्रमा बढेको लगानी रोकेर उत्पादनमा जोड्न सक्नुपर्छ।रेमिट्यान्स लगायत वैदेशिक रोजगारीबाट नागरिकले पठाइरहेको पुँजीलाई च्यानलिङ्ग गरेर उत्पादनमा जोड्ने विशेष कार्यक्रम हुनुपर्छ।
— Pradip Paudel (@paudelpradipNC) April 15, 2022