निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ जेठ १३ शुक्रबार
  • Friday, 27 May, 2022
नयाँ पत्रिका काठमाडौं
२०७८ माघ ११ मंगलबार २१:०८:००
Read Time : < 1 मिनेट
समाचार डिजिटल संस्करण

नोबेल र काठमाडौं मेडिकल कलेजले लिएको अतिरिक्त शुल्क फिर्ता लिन विश्वविद्यालयको निर्देशन

विद्यार्थी संगठनहरुको आन्दोलन फिर्ता

Read Time : < 1 मिनेट
नयाँ पत्रिका, काठमाडौं
२०७८ माघ ११ मंगलबार २१:०८:००

काठमाडौं विश्वविद्यालयले आफूमातहतका मेडिकल कलेजले लिएको अतिरिक्त शुल्क फिर्ता लिन निर्देशन दिएको छ। अहिलेसम्म लिएको अतिरिक्त शुल्क विद्यार्थीकै नाममा फिर्ता गर्नसमेत  विश्वविद्यालयले निर्देशन दिएको छ।

आन्दोलनरत विद्यार्थी संगठनहरू र काठमाडौं विश्वविद्यालय प्रशासनबीच भएको सहमतिअनुसार  डिनको कार्यालय र रजिस्ट्रार कार्यालयले छात्रावासलाई स्वेच्छिक गर्नसमेत निर्देशन दिएको छ।

होस्टल शुल्क र अतिरिक्त शुल्क नबुझाएबापत पठन–पाठनलगायतका सुविधाबाट वञ्चित रहँदै आएका विद्यार्थीहरूलाई निःसर्त कक्षामा सामेल गराउने निर्णय भएसँगै आफूहरूले गरेको सबै आन्दोलनका कार्यक्रम फिर्ता लिएको विद्यार्थी संगठनहरूले जनाएका छन्।

यसअघि विभिन्न शीर्षकमा विद्यार्थीहरूले झन्डै ५ लाख अतिरिक्त शुल्क तिर्नपर्थ्यो भने मासिक २४ हजार रुपैयाँ तिरेर होस्टेलमा बस्न अनिवार्य गरिएको थियो।अब होस्टल बस्न पाउने, नपाउने निर्णय विद्यार्थीले गर्न पाउनेछन्।

काठमाडौं मेडिकल कलेज र नोबेल मेडिकल कलेजमा अतिरिक्त शुल्कविरूद्ध विद्यार्थीहरूले आन्दोलन गरेका थिए। नेविसंघ, अखिल क्रान्तिकारी, नेकपा एकीकृत समाजवादी निकट अनेरास्ववियुलगायतका विद्यार्थी संगठनहरूले विज्ञप्ति निकालेर भएका निर्णय र सहमति कार्यन्वयन नभए पुनः सशक्त आन्दोलन गर्ने चेतावनीसमेत दिएका छन् । 

आन्दोलनका क्रममा गिरफ्तार विद्यार्थी नेताहरूको तत्काल रिहाइको मागसमेत विद्यार्थी संगठनहरूले गरेका छन्।