Skip This
तिब्बतीयन नागरिकलाई नागरिकता सिफारिस दिने प्रक्रियामा सहयोग गरेको आरोपमा सोलुखुम्बुका चारजना पक्राउ परेका छन् । जिल्ला प्रहरी कार्यालय सोलुखुम्बुको टोलीले सोलुदुधकुण्ड नगरपालिका– २ बाट शुक्रबार उनीहरूलाई पक्राउ गरेको हो ।
तिब्बती नागरिकहरू जिल्ला प्रशासन कार्यालयमा नागरिकता बनाउन सिफारिस लिएर आएका थिए । कर्मचारीलाई उनीहरूमाथि शंका लागेपछि अनुसन्धान थालिएको थियो ।
सिफारिस लिने व्यक्ति तिब्बतीयन भएको खुलेपछि सिफारिस दिलाउने प्रक्रियामा सहयोग गरेको आरोपमा सोलु बेनीका चार व्यक्तिलाई नियन्त्रणमा लिएर अनुसन्धान थालिएको छ । म्याद थप गरेर अनुसन्धान गरेपछि मात्र घटनाबारे विस्तृत जानकारी दिने प्रमुख जिल्ला अधिकारी गणेशविक्रम शाहीले बताए ।
झुटो विवरण पेस गरेर सिफारिस लिएको यो दोस्रो घटना हो भने देशबाहिरका नागरिकलाई सिफारिस गरिएको घटना जिल्लामै पहिलो मानिएको छ ।
