- वि.सं २o८१ बैशाख ३१ सोमबार
बजाज मोटरसाइकल र डोमिनारको नेपालका लागि आधिकारिक विक्रेता हंसराज हुलासचन्द एन्ड कम्पनी प्रालिले बजाज डोमिनार २५० का चालकहरूका लागि डोमिनार राइड कार्यक्रम सञ्चालन गर्ने भएको छ । कम्पनीले काठमाडौंदेखि जोमसोमसम्मको पाँचदिने राइड कार्यक्रम गर्न लागेको हो ।
कार्यक्रम मंसिर ८ देखि १२ गतेसम्म हुने कम्पनीले जनाएको छ । यो डोमिनार चालकहरूका लागि तयार पारिएको पाँचदिने अल पेड ट्रिप रहेको जनाइएको छ । यस राइडमा रोमाञ्च र आफ्नै कथाको अभूतपूर्व मिश्रण हुने उल्लेख छ । ‘राइड योर ओन स्टोरिज’का थिममा आधारित यो राइडमा हरेक डोमिनार राइडरले डोमिनार २५० सँग जोमसोम जाँदाको रमाइलो अनुभव बटुल्न सक्ने कम्पनीको दाबी छ । यस राइडको सम्पूर्ण खर्च कम्पनीले व्यहोर्ने जनाइएको छ ।
