चाडबाडको अवसर पारेर डिसहोमले ‘ह्याप्पी पर्वको ह्याप्पी कनेक्सन’ नामक योजना सञ्चालन गरेको छ । कम्पनीले डिसहोमको नयाँ कनेक्सन लिने चारजना भाग्यशाली ग्राहकलाई स्पेन घुमाउने योजना ल्याएको हो ।
यसका साथै हरेक नयाँ कनेक्सनमा ग्राहकले दुई हजार रुपैयाँबराबरको लालिगा सिजन टिकट पनि निःशुल्क प्राप्त गर्ने कम्पनीले जनाएको छ । स्पेन जाने चार भाग्यशाली विजेताहरूको छनोट लक्की ड्रमार्फत गरिने जनाइएको छ । यो योजना प्रभु टिभी, सिम टिभी र डिसहोम फाइबरनेटको जडानमा पनि उपलब्ध हुने कम्पनीले जनाएको छ ।
लालिगा सिजन टिकटमार्फत डिसहोम, प्रभु टिभी र सिम टिभीका ग्राहकहरूले स्पेनको घरेलु तथा सबैभन्दा माथिल्लो दर्जाको फुटबल लिगका रूपमा लिइने लालिगा हेर्न सक्ने जनाइएको छ । यो प्रतियोगिताको नेपालका लागि पे टिभी तथा डिजिटलको विशेष प्रसारणको अधिकार डिसहोमले प्राप्त गरेको छ ।
हाल डिसहोममा खेल च्यानलका रूपमा एक्सन स्पोर्टस् एचडी १ र एक्सन स्पोर्टस् एचडी २ प्रसारण भइरहेकोमा लालिगाका खेलहरू भने एक्सन स्पोर्टस् एचडी २ मा मात्र प्रसारण भइरहेको कम्पनीले जनाएको छ ।