- वि.सं २o७८ असोज १३ बुधबार
देशभर थप एक हजार एक सय ५७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले बुधबार साँझ सार्वजनिक गरेको विवरणअनुसार पछिल्लो २४ घन्टामा पिसिआर परीक्षणमा आठ सय ९२ र एन्टिजेन परीक्षणमा दुई सय ६५ जनामा संक्रमण देखिएको हो ।
यो अवधिमा १० हजार ६ सय ५२ जनाको पिसिआर परीक्षण र तीन हजार आठ सय ८९ जनाको एन्टिजेन परीक्षण गरिएको थियो ।
हाल देशभर १८ हजार एक सय ९३ जना सक्रिय संक्रमित रहेका छन् । बुधबार एक हजार एक सय १३ जना कोरोना संक्रमणमुक्त भएका छन् ।
पछिल्लो २४ घन्टामा आठजना संक्रमितको मृत्यु भएको छ । हालसम्म मृत्यु हुने संक्रमितको संख्या ११ हजार एक सय २३ पुगेको छ ।
