Skip This
काठमाडौं महानगरपालिकाका प्रमुख विद्यासुन्दर शाक्यले काष्ठमण्डप पुनर्निर्माणको काम अन्तिम चरणमा पुगेको बताएका छन्। काष्ठमण्डप परिसरमै ‘न्यकू बाजा र गुंला’ पुस्तक विमोचन कार्यक्रमलाई सम्बोधन गर्दै शाक्यले यस्तो बताएका हुन्।
‘मलाई प्राप्त जानकारीअनुसार काठमाडौं महानगरपालिकाको आर्थिक सहयोगमा पुनर्निर्माण हुँदै गरेको काष्ठमण्डपको काम ९५ प्रतिशत सम्पन्न भएको छ,’ शाक्यले भने। शाक्यले काष्ठमण्डप पुनर्निर्माणले राम्रो कामका लागि सबै समुदाय, राजनीतिक कार्यकर्ता वा प्रतिनिधिहरू हातेमालो गरेर अघि बढ्न सफल हुने उदाहरण भएको बताए।
कार्यक्रममा काष्ठमण्डप पुनर्निर्माण समितिका अध्यक्षसमेत रहेका बागमती प्रदेश सांसद राजेश शाक्यले काष्ठमण्डप पुनर्निर्माणका लागि काठमाडौं महानगरपालिकाबाट ११ करोड ५० लाख सहयोग प्राप्त भएको जानकारी दिए।
