- वि.सं २o७८ भदौ १३ आइतबार
अविरल वर्षाका कारण पहिरोले घर पुरिँदा पाल्पामा एक बालिकाको मृत्यु भएको छ। तानसेन नगरपालिका–कैलाश नगरमा पहिरोले घर पुरिँदा १० वर्षीया नैना दर्जीको ज्यान भएको जिल्ला प्रहरी कार्यालय पाल्पाका सूचना अधिकारी डिएसपी रामेश्वर त्वातीले बताए ।
राति ३ बजे स्थानीय नारायण दर्जीको घर पहिरोले पुर्दा उनकी छोरी नैनाको मृत्यु भएको छ। वर्षातकै कारण बुटवल पोखरा अन्तर्गतको सिद्धार्थ राजमार्ग आइतबार बिहानैबाट पुर्ण रुपमा अवरुद्ध भएको छ। राजमार्ग अन्तर्गत जोरधारा, सिद्धबाबा, सिसुवा, हिँउदेखोला, केराबारी तानसेन नगरपालिका-७ बर्तुङ, धैरेनी, सेरा, सिता पहाडलगायतका स्थानमा पहिरो खसेको छ ।
