प्रधानमन्त्री केपी ओलीले आइतबार कोरोनाविरुद्धको खोप लगाएका छन् । प्रधानमन्त्री ओलीले शिक्षण अस्पताल महाराजगन्जमा खोप लगाएका हुन् । प्रधानमन्त्री ओलीसँगै श्रीमती राधिका शाक्यले पनि खोप लगाएकी छिन् ।
यसअघि पूर्वप्रधानमन्त्रीसहित एक सय ६५ सांसदले कोरोनाविरुद्धको खोप लगाइसकेका छन् । स्वास्थ्य मन्त्रालयका अनुसार पूर्वप्रधानमन्त्री पुष्पकमल दाहाल, शेरबहादुर देउवा, माधवकुमार नेपालले खोप लगाएका छन् । उनीहरूले नयाँ बानेश्वरस्थित सिभिल हस्पिटलमा कोभिडविरुद्धको खोप लगाएका थिए ।
तर, राष्ट्रपति विद्यादेवी भण्डारीले खोप लगाउनेबारेमा अझै निर्णय लिएकी छैनन् ।
See More On
