- वि.सं २o८१ बैशाख ३१ सोमबार
कांग्रेस सभापति शेरबहादुर देउवाले घरघरबाट सहभागी भएर प्रतिनिधिसभाविरुद्ध ऐक्यबद्धता जनाउन अपिल गरेका छन् । कांग्रेसले बिहीबार ६ हजार सात सय ४३ वटै वडाबाट प्रतिनिधिसभा विघटनको विरोधमा ¥याली र सभा गर्दै छ ।
देउवाले विज्ञप्ति जारी गर्दै ओली सरकारको सिफारिसमा भएको प्रतिनिधिसभा विघटनको घटनाविरुद्ध बिहीबारको प्रदर्शनमा सहभागी हुन अपिल गरेका हुन् ।
‘संविधानमा भएको व्यवस्था प्रतिकूल, जनभावनाविपरीतको कार्यविरुद्ध नेपाली कांग्रेस एकमत छ, वडास्तरीय प्रदर्शनमा पनि घरघरबाट सहभागिता जनाएर प्रभावकारी रूपले सफल बनाउन म सबैमा हार्दिक अपिल गर्दछु,’ देउवाले भनेका छन् ।
प्रतिनिधिसभा विघटनको कदमलाई असंवैधानिक र अलोकतान्त्रिक ठहर गरेको कांग्रेसले १३ पुसमा एक सय ६५ निर्वाचन क्षेत्रमा, २५ पुसमा तनि सय ३० प्रदेश सभा निर्वाचन क्षेत्रमा तथा ३ माघमा सात सय ५३ पालिकाहरूमा विरोध प्रदर्शन सम्पन्न गरिसकेको छ ।
