समाचार
ललितपुर मालपोतका कर्मचारी घुससहित पक्राउ
Read Time : < 1 मिनेट
२o८१ बैशाख ३१ सोमबार १२:४५:oo
भूमिसुधार तथा मालपोत कार्यालय लगनखेल, ललितपुरमा कार्यरत नायब सुब्बा मन्दीपकुमार श्रेष्ठ र लेखापढी व्यवसायी रमेशलाल श्रेष्ठ घुस रकमसहित पक्राउ परेका छन् ।
सेवाग्राहीको जग्गा हालसाबिकको क्रममा ट्रायल चेक गर्दा नक्साअनुसार क्षेत्रफल बढी भएको भनी सो मिलाउन उनीहरूले घुस लिएका थिए । लखनखेल बसपार्कबाट उनीहरूलाई ४० हजार रुपैयाँ घुससहित पक्राउ गरिएको अख्तियार दुरुपयोग अनुसन्धान आयोगले जनाएको छ ।