महान् ब्याडमिन्टन खेलाडी आर्थर एस सन् १९८३ मा गम्भीर बिरामी परे । उनलाई मुटुको अप्रेसन गर्नुपर्ने भयो । तर, त्यति वेला उनको उपचारमा संलग्न डाक्टरले एउटा गम्भीर गल्ती गरे । उनको शरीरमा एड्स विषाणुबाट संक्रमित रगत चढाइयो ।
सोही गल्तीका कारण उनी एड्स रोगको चपेटामा परे र उनको जीवन अन्ततः तहसनहस भयो । उनी मृत्युशड्ढयामा पुगे । उनका शुभचिन्तकले विश्वभरबाट चिठी पठाइरहेका थिए । धेरैले पत्रमा लेखेका थिए, ‘भगवान्ले तपाईंलाई नै किन यति भयानक रोग दिए होलान् ?’
त्यसको जवाफस्वरूप अर्थरले लेखे– विश्वभर पाँच करोड केटाकेटी टेनिस खेल्छन् । त्यसमा ५० लाखले सिक्छन् पनि । पाँच लाख प्रोफेसनल टेनिस खेलाडी बन्छन् । त्यसमध्ये ५० हजारले टिममा स्थान बनाउँछन् । पाँच सय विभिन्न प्रतियोगितामा भाग लिन पुग्छन् र ५० अन्तर्राष्ट्रिय प्रतियोगितामा ।
चार सेमिफाइनलसम्म र दुईजना मात्र फाइनलसम्म पुग्छन् । जब मैले अन्तर्राष्ट्रिय प्रतियोगितामा भाग लिने अवसर पाएँ, तब मैले भगवान्लाई म नै किन भनेर सोधिनँ । र, आजको यो असह्य पीडामा पनि म सोध्दिनँ, ‘म नै किन ?’