- वि.सं २o८१ बैशाख १९ बुधबार
अमेरिकामा हिंसा मच्चिएको छ । अमेरिकी राष्ट्रपति निर्वाचनको घोषणाको प्रक्रिया चलिरहेको बेला ट्रम्प समर्थक भिड क्यापिटल हिलस्थित सिनेटमा प्रवेश गरेपछि हिंसा मच्चिएको हो ।
भिडलाई नियन्त्रणमा लिने क्रममा प्रहरीले गोली चलाउँदा एक महिलाको ज्यान गएको छ । बिग्रदो स्थितीलाई नियन्त्रणमा लिन वासिङ्टनमा कर्फ्यु जारी गरिएको छ ।
ताल्चा र ढोका फोरेर ट्रम्प समर्थक भिड क्यापिटल हिलस्थित सिनेट प्रवेश गरेर उत्पात मच्चाएर प्रदर्शन गरेपछि प्रहरीले गोली चलाएको हो ।
प्रदर्शनकारी सिनेट सभापतिको कुर्सीमा समेत बसेका छन् । अमेरिकी कंग्रेसमा सांसदहरूले जो बाइडेनको जितको पुष्टि गर्न छलफल गरिरहेका बेला यस्तो हङ्गामा भएको हो।
