मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ फाल्गुण १८ मंगलबार
  • Tuesday, 02 March, 2021
रासस/सिन्ह्वा
२०७७ मङ्सिर २५ बिहीबार १४:४५:००
Read Time : < 1 मिनेट
अर्थ

बोइङको ७३७ म्याक्सलाई ब्राजिलमा उडान अनुमति 

Read Time : < 1 मिनेट
रासस/सिन्ह्वा
२०७७ मङ्सिर २५ बिहीबार १४:४५:००

बोइङ कम्पनीको ७३७ म्याक्स शृंखलाको यात्रुवाहक विमानले बुधबारदेखि ब्राजिलमा व्यावसायिक उडान सुरु गरेको छ । बोइङ ७३७ म्याक्स मोडेलका दुईवटा विमान लगातार दुर्घटनाग्रस्त भएपछि झन्डै २० महिनाअघि यी विमानको उडान विश्वभर स्थगित गरिएको थियो । 

ब्राजिलको सस्तो विमान सेवा गोलले सञ्चालन गरेको यो विमानले ब्राजिलको साओ पाउलोबाट पोर्टो अलेग्री सहरको उडान गरेको छ । तर, यसबारे अन्य विवरण दिन विमान कम्पनीले अस्वीकार गरेको छ । 

सन् २०१९ को मार्चमा गोल विमान कम्पनीले अर्को सूचना जारी नहुँदासम्म बोइङ ७३७ म्याक्स ८ शृंखलाका विमानहरू नउडाउने घोषणा गरेको थियो । इन्डोनेसिया र इथियोपियामा भएका दुईवटा दुर्घटनामा ३४६ जना यात्रुको मृत्यु भएपछि विश्वभर बोइङ ७३७ म्याक्स विमान थन्किएका थिए । 

यसै महिनाको सुरुमा अमेरिकन एयरलाइन्सले सञ्चालन गरेको ७३७ म्याक्स विमानले अमेरिकी सहर टेक्सासबाट ओक्लाहोमाको ४५ मिनेटको यात्रा गरेको थियो । गत महिना अमेरिकी नागरिक उड्डयन प्रशासनले ७३७ म्याक्स विमानको व्यवसायिक उडान सञ्चालन गर्न सक्ने गरी यसअघि लगाइएका प्रतिबन्ध फुकुवा गरेको थियो ।