२०७७ मङ्सिर ११ बिहीबार १०:४२:००
साल्ट ट्रेडिङ कर्पाेरेसन लिमिटेडका सञ्चालक कीर्तिकुमार जोशीको मस्तिष्कघातका कारण निधन भएको छ । ७५ वर्षीय जोशीको हिमालय हस्पिटलमा उपचारका क्रममा निधन भएको हो ।
जोशी साल्ट ट्रेडिङअन्तर्गतको खाद्य उद्योग लिमिटेड, वनस्पति घिउ उद्योग लिमिटेडमा सञ्चालक रही काम गरेको कर्पोरेसनले जनाएको छ । जोशीको निधनको खबरले कर्पाेरेसन परिवारलाई दुःखी बनाएको र कर्पाेरेसनले एक कुशल सञ्चालक गुमाएको जनाएको छ । उनी कर्पोरेसनका संस्थापक लोकनाथ जोशीका नाति हुन् ।
सगरमाथा इन्स्योरेन्सका सबै कार्यालय १ दिन बन्द
सगरमाथा इन्स्योरेन्सले जोशीको निधनको शोक मनाउन एक दिन देशभर रहेका सबै कार्यालय बन्द गर्ने निर्णय गरेको छ । ०५७ सालदेखि सञ्चालक समितिमा रही कम्पनीको सफलताका लागि अथक योगदान गरेको स्मरण गर्दै कम्पनीले श्रद्धाञ्जली अर्पणका लागि ११ गते बिहीबार कार्यालय बन्द गर्ने निर्णय गरेको जनाइएको छ ।
