- वि.सं २o७७ कार्तिक ७ शुक्रबार
पछिल्लो २४ घन्टामा थप चार हजार चार सय ९९ जनामा कोरोना संक्रमण पुष्टि भएको छ ।
यो अवधिमा १६ हजार आठ सय ६३ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
योसमेत देशभर हालसम्म संक्रमित हुनेको संख्या एक लाख ५३ हजार आठ पुगेको छ ।
आज काठमाडौं उपत्यकाका तीन जिल्लामा २७ सय २० जनामा संक्रमण देखिएको मन्त्रालयले जानकारी दिएको छ ।
विगत २४ घन्टामा २६ सय ६८ जना संक्रमणमुक्त भएर डिस्चार्ज भएका छन् ।
हालसम्म कुल एक लाख पाँच हजार चार सय ८८ जना निको भएर डिस्चार्ज भइसकेका छन् ।
सक्रिय संक्रमितको संख्या ४६ हजार ६ सय ९१ पुगेको मन्त्रालयले जनाएको छ ।
संक्रमितमध्ये दुई सय ९० जनाको आइसियू र ६९ जनाको भेन्टिलेटरमा उपचार भइरहेको छ ।
