- वि.सं २o७७ असोज २५ आइतबार
प्रमुख प्रतिपक्षी दल नेपाली कांग्रेसले सरकार र अनशनरत डा. गोविन्द केसीबीच भएका सहमतिको स्वागत गरेको छ ।
कांग्रेस प्रवक्ता विश्वप्रकाश शर्माले विज्ञप्ति निकालेर सहमतिको स्वागत गरेका हुन् । साथै उनले ‘साउनमा सहमति माघमा उल्लंघन’ को नजिर दोहोरिन नदिन निरन्तर खबरदारीको भने जरुरी रहेको जनाएका छन् ।
साथै प्रवक्ता शर्माले डा. केसीको अनशनप्रति सुरुदेखि नै सरकारी रवैया नकारात्मक देखिएको भए पनि छलफलबाट सहमतिमा पुग्नु सुखद भएको जनाएका छन् ।
उनले सहमतिलाई कार्यान्वयनमा लैजान पनि जोड दिएका छन् ।
