प्रधानमन्त्रीको नजिक रहने मुख्य सल्लाहकार विष्णु रिमाल, प्रेस सल्लाहकार सूर्य थापा, वैदेशिक मामिला सल्लाहकार राजन भट्टराई, प्रमुख स्वकीय सचिव इन्द्र भण्डारी र फोटोग्राफर राजन काफ्लेलाई कोरोना संक्रमण देखिएको छ ।
उनीहरूले आफूलाई कोरोना संक्रमण भएको सार्वजनिक गर्दै आफूनिकट सम्पर्कमा आएका सबैलाई सजग रहन आग्रह गरेका छन् ।
सचिवालयका पाँचजनाकाे परीक्षण हुनुअघि प्रधानमन्त्री केपी शर्मा ओली र उनकी पत्नी राधिका शाक्यको परीक्षण गरिएकाे र नतिजा नेगेटिभ आएको सचिवालय स्राेतले जनाएकाे छ ।
सचिवालय स्रोतका अनुसार बिहीबार ओली र शाक्यको परीक्षण नतिजा नेगेटिभ आएको हो ।
उनको सचिवालयमा कार्यरत पाँचजनामा कोरोना देखिएपछि यसबीच सम्पर्क भएकाे हुन सक्ने सम्भावना भएकाले प्रधानमन्त्रीको पुनः परीक्षण गरिने स्राेतले जनायाे ।
See More On
