काेराेना मिटर : आज १३ सय ५१ जना कोरोना संक्रमित थपिए, सक्रिय संक्रमितकाे संख्या १९ हजार ६ सय २४ पुग्यो
पछिल्लो २४ घन्टामा १३ सय ५१ कोरोना संक्रमित थपिएका छन् ।
यो अवधिमा १० हजार ८० जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
सोमबार थप भएकोसमेत देशभर हालसम्म संक्रमित हुनेको संख्या ७४ हजार सात सय ४५ पुगेको छ ।
त्यसैगरी सोमबार सात सय ४२ जना संक्रमित निको भएर डिस्चार्ज भएका छन् ।
कुल निको हुनेको संख्या ५४ हजार ६ सय ४० पुगेको मन्त्रालयले जनाएको छ ।
स्वास्थ्य मन्त्रालयका प्रवक्ता डा. जागेश्वर गौतमले कोरोना निको हुने दर ७३.१ प्रतिशत रहेको पनि जानकारी दिए ।
हाल देशभर १९ हजार ६ सय २४ सक्रिय कोरोना संक्रमित रहेको गौतमले बताए ।
संक्रमितमध्ये दुई सय २५ जनाको आइसियू र ३१ जनाको भेन्टिलेटरमा उपचार भइरहेको मन्त्रालयले जनाएको छ ।