- वि.सं २o७७ असोज ९ शुक्रबार
गण्डकी प्रदेशमा शुक्रबार थप ४१ जनामा कोरोना संक्रमण पुष्टि भएको छ ।
कास्कीका १७ जना, लमजुङका तीनजना, गोखराका १२ जना, नवलपुरका नाैजनामा कोरोना संक्रमण पुष्टि भएको गण्डकी प्रदेश स्वास्थ्य निर्देशनालय पोखराले जानकारी दिएको छ ।
योसँगै प्रदेशमा संक्रमितको संख्या तीन हजार ६ सय ४५ पुगेको छ । सक्रिय संक्रमितको संख्या एक हजार १ सय ४५ छ ।
हालसम्म गण्डकी प्रदेशमा दुई हजार चार सय ५९ जनाले कोरोनालाई जितेका छन् ।
३३ जनाको भने कोरोना संक्रमणकै कारण ज्यान गुमेको गण्डकी प्रदेश स्वास्थ्य निर्देशनालयका निर्देशक डा. विनोदबिन्दु शर्माले जानकारी दिए ।
