- वि.सं २o८३ असोज १३ मंगलबार
सरकारले पूर्वप्रधानन्यायाधीश चोलेन्द्रशमशेर जबरालाई पक्राउ नगरिएको स्पष्टीकरण दिएको छ।
असुरक्षा बढेपछि जबरालाई रेस्क्यु गरिएको सरकारका प्रवक्ता एवं शिक्षामन्त्री सस्मित पोखरेलले बताए। मंगलबार मन्त्रिपरिषद्को बैठकपछिको पत्रकार सम्मेलनमा पोखरेलले परिवारको आग्रहमा नै जबरालाई सुरक्षा दिइएको जिकिर गरे।
‘उहाँलाई पक्राउ गरिएको होइन, नियन्त्रणमा लिएको पनि होइन। उहाँको आफ्नै परिवारबाट पनि थप सुरक्षा माग गरेर निवेदन पनि प्रहरी कार्यालयमा पठाउनुभएको छ,’ पोखरेलले भने, ‘उहाँलाई सुरक्षा प्रदान गर्नका लागि रेस्क्यु गरेर लगिएको हो।’
सरकार र प्रहरी प्रशासन कसैले पनि जेन-जीबाट थ्रेट आएको नबताएको स्प्ष्ट पार्दै सरकारका प्रवक्ताले भने, ‘जेन-जीबाट थ्रेट आएको होइन। एउटा अपरिचित समूहबाट आएको हो।’
