Skip This
घट्टेखोलामा आएको बाढीले मनाङको चामेमा पहिरो खस्दा मर्स्याङ्दी नदी आंशिक थुनिएको छ। घट्टेखोलाबाट आएको बाढीपहिरोले मर्स्याङ्दीको बहाब रोकिएको चामे गाउँपालिकाका अध्यक्ष लोकेन्द्र घलेले बताए।
घट्टेखोलामा आएको बाढी र पहिरोले नदीको बहाब रोकिएपछि मर्स्याङ्दी र घट्टेखोला मिसिएर ताल बनेको सहायक प्रमुख जिल्ला अधिकारी कृष्णप्रसाद पौडेलले जानकारी दिए। नदी थुनिएपछि चामे गाउँपालिकाको पारिपट्टिको बस्ती जोखिममा परेको छ।
मर्स्याङ्दी नदी आंशिक थुनिएर जलसतह बढ्न थालेपछि साइरन बज्न थालेको छ। सम्भावित जोखिमलाई मध्यनजर गर्दै प्रशासनले तटीय क्षेत्रका स्थानीयलाई सावधानी अपनाउन र नदीआसपास नजान आग्रह गरेको छ।
