Skip This
बर्दियामा चितुवाको आक्रमणबाट एक बालिकाको मृत्यु भएको छ । चितुवाको आक्रमणबाट गुलरिया नगरपालिका– ५, बालापुरकी ६ वर्षीया सायरा थारूको मृत्यु भएको हो। बुधबार बिहान करिब ९ बजे बालिका शौच गर्न जाँदा चितुवाले आक्रमण गरेको थियो।
आक्रमणपछि घाइते बालिकालाई तत्काल उपचारका लागि बर्दिया अस्पताल गुलरिया लगिएको थियो । साढे नौ बजे बालिकाको मृत्यु भएको जिल्ला प्रहरी कार्यालयका प्रहरी नायब उपरीक्षक चक्रबहादुर डमरपालले बताए।
डिभिजन वन कार्यालयले १४१ वटा सामुदायिक वनलाई रुख काट्नको अनुमति दिएको छ। कार्यालय १४१ वटा वनको १४ हजार ६३९ वटा रुख कटानको काम भएसँगै चितुवको वासस्थान मासिएर चितुवा गाउँबस्तीमा पस्न थालेका छन्।
