वैशाख १३ देखि १९ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको वैशाख १३ गते शनिबारदेखि वैशाख १९ गते शुक्रबारसम्मको साप्ताहिक राशिफल पढ्नुहोस् 

मेष (चु, चे, चो, ला, लि, लु, ले, लो, अ) : साताको प्रारम्भ देखि नै शत्रुहरूले तपाईंको चियोचर्चो गर्नेछन् । महत्वपूर्ण स्थानमा बोली बिक्ने योग रहेकाले रोकिएका काम अगाडि बढाउँदा कार्यमा सफलता मिल्नेछ । बिहीबारदेखि भने आफन्तले नै कुरा काट्न र विश्वासघात गर्न थालेपछि मन अस्थिर र अशान्त रहनेछ ।पारिवारिक समस्याले पनि मन खिन्न हुनेछ । 

वृष (इ, उ, ए, ओ, बा, बि, बु, बे, बो) : आवश्यक र उपलब्धिमूलक रमाइलो यात्राको योग जुरेको छ । सकारात्मक र व्यावहारिक सोचको विकास हुनेछ । स्वास्थ्यका दृष्टिकोणले समेत यो राम्रो समय छ । आर्थिक लाभ हुनेछ । ऋण सापटी लिनदिन समयअनुकूल रहेकाले लेनदेनमा समस्या पर्नेछैन । पारिवारिक जीवन सामान्य र सन्तोषप्रद रहनेछ । साताको अन्त्यमा सेयरबजारले भने राम्रो प्रतिफल नदिने संकेत देखिन्छ ।

मिथुन (का, कि, कु, घ, ङ, छ, के, को, ह) : घरपरिवार र छरछिमेकमा असमझदारी बढ्न सक्छ । घरपरिवारबाट पनि आवश्यक सहयोग मिल्नेछैन । कडा परिश्रम गर्दा पनि सोचेजस्तो उपलब्धि हात पर्नेछैन, व्यर्थै खेर जान सक्छ । हाकिम, मातापिता वा विशिष्ट व्यक्तिसँग वादविवादमा परिनसक्ने योग रहेकाले विशेष सावधानी अपनाउनुपर्नेछ । साताको अन्त्यमा पारिवारिक धार्मिक भ्रमणको योग रहेको छ ।

कर्कट (हि, हु, हे, हो, डा, डि, डु, डे, डो) : व्यावसायिक क्षेत्र सफल रहनेछ भने आम्दानीमा कमी आउनेछैन । व्यापारिक वा दैनिक काम सन्तोषजनक ढंगले सम्पन्न हुनेछन् । अर्थलाभका अवसर आउनेछन् । राजनीतिक चासो पनि बढ्नेछ । तीर्थव्रत तथा देवालय आदिको भ्रमण हुन सक्छ । सामाजिक कामबाट प्रशंसा प्राप्त हुनेछ । वैदेशिक क्षेत्रको कार्य अघि बढ्नेछ । 

सिंह (मा, मि, मु, मे, मो, टा, टि, टु, टे) :  उत्साह छाउने साता रहेको छ । लामो तथा व्यवसायी यात्राका लागि उत्तम समय रहेको छ । सामाजिक क्षेत्र र नोकरीबाट मानसम्मान मिल्नेछ । अधुरो र आँटेको कार्य पूरा हुनेछन् । धनार्जनका नयाँ स्रोत पत्ता लाग्नेछन् । साताको अन्त्यमा सेयरबजारमा गरेको लगानीले राम्रै प्रतिफल दिने संकेत मिल्नेछ । स्थानान्तरणको योग रहेकाले जिम्मेवारी हेरफेर हुने सम्भावना रहेको छ ।

कन्या (टो, प, पि, पु, ष, ण, ठ, पे, पो) : साताको प्रारम्भमा गरिएका क्रियाकलापले तपाईंलाई दीर्घकालिक फाइदा पुग्न सक्नेछ । आफ्नो विचार र योजनालाई रचनात्मक रूप प्रदान गर्ने प्रयास गर्दा राम्रो हुनेछ । नाम, दाम, प्रतिष्ठा र पुरस्कार प्राप्त हुन सक्छ । काम देखाएर अरूको मन लोभ्याउन सकिनेछ । व्यस्तता बढ्नुका साथै सामान तथा गरगहना हराउने तथा चोरी हुने योग छ ।

तुला (र, रि, रु, रे, रो, ता, ति, तु, ते) : लगानीमा रहेका धनको उचित प्रतिफल नआउनाले दिक्क लाग्नेछ । धैर्यले काम लिने समय छ । छर–छिमेकमा भने केही असमझदारी बढ्ने योग छ । प्रतियोगिता र प्रतिस्पर्धामा पराजय व्यहोर्नु पर्छ । बिहीबारदेखि मंगल कार्यको योग रहेको छ । प्रेम र मित्रताको बन्धन कसिने वेला रहेको छ । सरुवा तथा बढुवाको योग रहेको छ । 

वृश्चिक (तो, ना, नि, नु, ने, नो, या, यि, यु) : भाइबहिनी वा सन्ततिका तर्फबाट खुसीको खबर प्राप्त हुनेछ । आर्थिक रूपमा सबल हुनुहुनेछ, कारोबारमा गतिशीलता आउनेछ र व्यवसायबाट पनि राम्रै लाभ हुनेछ । मायाप्रेमका लागि समय जुट्नेछ । विपरीतलिंगीबाट आवश्यक सहयोग मिल्नेछ । पठनपाठनमा प्रगति हुनेछ । साताको अन्त्यमा आकस्मिक धनलाभको योग रहेको छ । 

धनु (ये, यो, भ, भि, भु, ध, फा, ढ, भे) : कृषिकर्ममा मन जानेछ । प्राविधिक काममा विशेष सफलता प्राप्त हुनुका साथै आत्मसन्तुष्टि प्राप्त हुनेछ । मातापिता र अभिभावकवर्गको आशीर्वादले महत्वपूर्ण कार्यको थालनी हुनेछ । नयाँ काम वा व्यवसायको थालनी हुनेछ । मनोरञ्जनमा सहभागी भइएला । स्वादिष्ट परिकारको अवसर मिल्नेछ । साताको अन्त्यमा आकस्मिक धनलाभको योग छ ।

मकर (भो, ज, जि, खि, खु, खे, खो, गा, गि) : सुख–सुविधा र आनन्द प्राप्तिका लागि मन लालायित बन्न सक्छ । धार्मिक, सामाजिक वा सांस्कृतिक क्रियाकलापबाट व्यक्तिगत सम्मानमा हानि पुग्न सक्ने योग छ । व्यस्तता बढ्नुका साथै सामान हराउन सक्नेछ । पारिवारिक साथ–सहयोग र समर्थन मिल्नेछ । नयाँ ज्ञान सिक्ने मौका मिल्नेछ वैदेशिक कार्य र आम्दानी बढाउने काम सुरु गर्न सकिनेछ ।

कुम्भ (गु, गे, गो, सा, सि, सु, से, सो, द) : रोकिएका घरायसी तथा अन्य काममा उन्नति र प्रगतिको वातावरण बन्नेछ । रोकिएका सरकारी काम सुल्झाउने राम्रो समय छ । वैदेशिक क्षेत्रको कार्य अघि बढ्नेछ । सामाजिक तथा धार्मिक कार्यमा रुचि बढ्नेछ धनार्जनका नयाँ स्रोतहरू पत्ता लाग्नेछन् । साताको अन्त्यमा बोलीमा संयमता अपनाउनुपर्ने छ । गरेका कामबाट राम्रै लाभ हुनेछ । श्रमको उचित मूल्यांकन हुने योग छ । 

मीन (दि, दु, थ, झ, ञ, दे, दो, च, चि) : भ्रमण र मनोरञ्जनमा समय बित्नेछ । सुरुमा घरपरिवारका सदस्य र साथीभाइसँग मतभिन्नता भए पनि अन्त्यमा उनीहरू सकारात्मक देखिनेछन् । रमणीय र सुखद यात्राको योग रहेको छ । जीवनसाथी वा आमाको सल्लाहमा गरिएको काममा सफलता प्राप्त हुनेछ । सामाजिक सम्बन्ध सुदृढ हुनेछ । साताको अन्त्यमा पठनपाठनमा देखिएका बाध हट्दै जानेछन्  ।