- वि.सं २o८२ बैशाख ९ मंगलबार
अख्तियार दुरुपयोग अनुसन्धान आयोगमा उजुरी परेको र त्यसलाई मिलाइदिने भन्दै कर्मचारीसँगै २५ हजार रुपैयाँ घुस लिने अधिकृतविरुद्ध भ्रष्टाचार मुद्दा दायर भएको छ । पोखरा महानगरपालिकाको उजुरी फर्स्योट तथा समन्वय शाखामा कार्यरत अधिकृत (सातौँ तह) कपिल गिरीविरुद्ध मंगलबार विशेष अदालतमा मुद्दा दायर गरेको हो ।
अख्तियारमा उजुरी परी पत्र आएको र उजुरीसँग सम्बन्धित प्रमाण मेटाइदिने भनी सेवाग्राहीसँग २५ हजार रुपैयाँ घुस लिइरहेको अवस्थामा अख्तियारले गत ७ चैतमा गिरीलाई रंगेहात पक्राउ गरेको थियो । उनीमाथि थप छानबिन गरेर अख्तियारले मुद्दा दायर गरेको हो । घुस लिएको २५ हजार रुपैयाँलाई नै बिगो कायम गरेर अख्तियारले गिरीविरुद्ध मुद्दा दायर गरेको हो ।
