Skip This
कैलालीमा लागूऔषध खैरो हेराइनसहित दुई युवा पक्राउ परेका छन् । फरकफरक ठाउँबाट पक्राउ परेका उनीहरुको साथबाट पाँच ग्राम नौ सय ३० मिलिग्राम खैरो हेरोइन बरामद गरिएको जिल्ला प्रहरी कार्यालय कैलालीले जनाएको छ ।
लम्कीचुहा नगरपालिका–७, का २५ वर्षीय अजय चौधरीलाई धनगढी उपमहानगरपालिका–३, बोराडाँडीबाट पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक कविन्द्रसिंह बोहराले बताए । चेकजाँच गर्दा उनको साथबाट चार ग्राम छ सय मिलिग्राम लागुऔषध खैरो हेरोइन बरामद गरिएको प्रहरीले जनाएको छ ।
त्यस्तै गोदावरी नगरपालिका–५, बस्ने १८ वर्षीय योगेश जोशी एक ग्राम ३३० मिलिग्राम खैरो हेरोइनसहित पक्राउ परेका छन् । इलाका प्रहरी कार्यालय मालाखेतीको टोलीले उनलाई गोदावरी–२, बाट पक्राउ गरेको प्रहरी नायब उपरीक्षक बोहराले जानकारी दिए ।
