- वि.सं २o८१ चैत २३ शनिबार
उच्च अदालतको आदेश लगत्तै पक्राउ परेका राष्ट्रिय स्वतन्त्र पार्टीका सभापति रवि लामिछानेलाई प्रहरीले आज भैरहवा लैजाने भएको छ। उनलाई हवाईमार्गमार्फत भैरहवा लैजान विमानस्थल लगिएको छ ।
उच्च अदालत तुलसीपुरको बुटवल इजलासले उनलाई सुप्रिम सहकारीको मुद्दामा पुर्पक्षका लागि थुनामा राख्नुपर्ने आदेश गरेसँगै प्रहरीले काठमाडौंको हात्तीगौंडास्थित घरबाट पक्राउ गरेको थियो। राति काठमाडौं परिसरमा थुनामा राखिएको थियो। आइतबार बिदा भएकाले उनलाई अब सोमबार मात्र अदालत उपस्थित गराई कारागार चलान गर्ने प्रहरी तयारी छ ।
गोर्खा मिडिया नेटवर्ककको आर्थिक कारोबारमा संलग्न रहेको भन्दै उच्च अदालतले उनलाई थुनामा पठाउने आदेश गरेको हो।
