- वि.सं Invalid date format
आइपिएलको १६ औं खेलमा मुम्बई इन्डियन्समाथि लखनउ सुपर जायन्ट्ले रोमाञ्चक जित निकालेको छ। होम ग्राउन्डमा शुक्रबार भएको खेलमा लखनउ १२ रनले विजयी भएको हो।
पहिले ब्याटीङ गरेको लखनउले मुम्बईलाई २०४ रनको लक्ष्य दिएको थियो। लक्ष्य पछ्याउने क्रममा मुम्बई ५ विकेट गुमाएर १९१ रनमा समेटियो।
उत्कृष्ट डेथ बलिङको मद्दतमा लखनउ विजयी भएको हो।
अन्तिम दुई ओभरमा मुम्बईलाई २९ रन चाहिँदा ६ विकेट बाँकी थियो। १९ औं ओभरमा शार्दुल ठाकुरले ७ रन मात्र दिएकोमा अन्तिम ओभरमा अभेस खानले नौ रन मात्र खर्चिएर टिमलाई विजयी बनाएका हुन्।
चार वटा खेलमा मुम्बईको यो तेस्रो हार हो भने लखनउले चार खेलमा दुई जित निकालेको छ।
