- वि.सं २o८१ माघ ८ मंगलबार
काठमाडौंको भोटेबहालमा १६ लाख ५५ हजार रुपैयाँको धनमाल चोरी गर्ने चार जना पक्राउ परेका छन्। पदमा कुमारी तुलाचरको घरबाट गत १६ पुसमा चोरी गर्नेहरुलाई काठमाडौं उपत्यका अपराध अनुसन्धान कार्यालयले सोमबार पक्राउ गरेको हो।
पक्राउ पर्नेहरुमा रामेछाप दोरम्बाका तिर्थ बहादुर थापा मगर, सुवास मगर, सिन्धुली मरिन गाउँपालिककी सुनिता तामाङ र खोटाङ रुपाकोटका बलराम विश्वकर्मा छन्। उनीहरुलाई सिसिक्यामेराको आधारमा पक्राउ गरिएको एसपी काजीकुमार आचार्यले बताए। उनीहरुबाट चोरीका सामान पनि प्रहरीले बरामद गरेको छ।
