पाकिस्तानमा आठ महिनादेखि तलब नपाएपछि शिक्षकहरू आन्दोलनमा

पाकिस्तानको खैबर पख्तुनख्वा प्रान्तको सरकारले यस क्षेत्रका विद्यालयका शिक्षकलाई आठ महिनादेखि तलब दिन नसक्दा विद्यार्थीको भविष्यलाई असर पुग्नुका साथै शिक्षकहरू आन्दोलित भएको द डन पत्रिकाले रिपोर्ट गरेको छ।

द डनको रिपोर्टअनुसार श्रमिकका लागि न्यूनतम ज्यालासमेत दिन नसकेकाले विद्यालयले प्राथमिक तथा माध्यमिक शिक्षा फाउन्डेसनअन्तर्गत काम गरिरहेका छन्।

विद्यालय शिक्षकको तलबका लागि दुई अर्ब रुपैयाँ आवश्यक रहेको जनाउँदै फाउन्डेसनका लागि रकम जारी गर्न सरकार असमर्थ रहेको एन्ड एसइएफका एक वरिष्ठ अधिकारीले बताए।

एक शिक्षकले मार्चदेखि तलब नदिएकोमा दुःख व्यक्त गर्दै आफूसँग आयको अन्य कुनै स्रोत नभएकाले आधारभूत आवश्यकता पूरा गर्न आफन्तहरूबाट ऋण लिइरहेका बताएका छन्।

शिक्षकहरूले तलब नपाएपछि धेरै विद्यालय बन्द भएका छन् भने अझै पनि सरकारले उनीहरूलाई तुरुन्तै तलबको व्यवस्था गर्न नसकेमा थप विद्यालयहरू बन्द हुने सम्भावना रहेको जनाइएको छ।