लगातारको वर्षाले सुनसरी भएर बग्ने सबैजसो खोलामा बाढी आएको छ। अधिकांश भूभाग जलाम्य बनेको छ।
बुढी खोला, दुहाबी बाढीमापन केन्द्रमा हालको जलसतहले सतर्कता तह पार गरेको ऊर्जा, जलस्रोत तथा सिंचाइ मन्त्रालयअन्तर्गतको जल तथा मौसम विज्ञान विभाग बाढी पूर्वानुमान महाशाखाले जनाएको छ।
महाशाखाले शनिबार बिहान ४:४५ बजे सूचना जारी गर्दै बढ्दो क्रममा रहेका नदी तटीय क्षेत्रमा बाढीको जोखिम बढेकाले डुबान भइरहने होचा भू-भागहरूमा बसोबास गर्नेहरूलाई सतर्कता अपनाउन आग्रह गरेको छ।