- वि.सं २o८१ भदौ ७ शुक्रबार
लक्षरा फिल्म्सको प्रस्तुतिमा तयार भएको म्युजिक भिडियो ‘राधा पियारी’ सार्वजनिक भएको छ। गीत शुक्रबार ओएसआर डिजिटल युट्युब च्यानलबाट सार्वजनिक गरिएको हो।
भिडियोमा मलिका महत र पल शाहको अभिनय छ। गीतको भिडियोमा सहकारीपीडितहरूको कथा प्रस्तुत गर्ने कोसिस गरिएको छ। डान्सिङ बिटको गीतमा मनोरञ्जनसँगै पीडितहरूको आवाज उठाइएको छ।
शान्ति श्री परियार र कृष्ण बिकेको आवाज रहेको गीतमा कृष्ण बिके स्वयंले शब्द र संगीत भरेका छन्। गीतको भिडियोमा जिबी अग्रको निर्देशन तथा नरेश बिसीको मिक्सिङ तथा मास्टरिङ छ।
