समाचार डिजिटल संस्करण

पढाइलाई उमेरले छेक्दैन भन्ने उदाहरण बन्दै सन्तबहादुर गुरुङ

५२ वर्षीय गुरुङ कक्षा आठको नगरस्तरीय परीक्षा दिँदै

जे सुकै कारणले पढाइ छुटेको भए पनि इच्छाशक्ति भए अध्ययनलाई पुनः अघि बढाउन सकिन्छ भन्ने उदाहरण बनेका छन्, मकवानपुरका ५२ वर्षीय सन्तबहादुर गुरुङ । उमेर छँदा पढ्न सकिएन भनेर पछुतो मान्नेहरुका लागि त सन्तबहादुर झन् दरिलो उदाहरण बनेका छन् । 

मकवानपुरको उत्तरी क्षेत्रमा पर्ने थाहा नगरपालिकामा आधारभूत तह कक्षा ८ को नगरस्तरीय परीषा चलिरहेको छ । सो परीक्षामा १३, १४ वर्षका केटाकेटीको हुलमा ५२ वर्षी सन्तबहादुर पनि मिसिएका छन् । 

थाहा नगरपालिका– ५ फुर्केका सन्तबहादुर आत्मविश्वासका साथ परीक्षामा सहभागी भएका छन् । 

उनले बिहीबार पालुङ क्याम्पस परीक्षा केन्द्रबाट पहिलो दिन अंग्रेजी विषयको परीक्षा दिएको थाहा नगरपालिकाको शिक्षा शाखाका प्रमुख माधवविक्रम मल्लले जानकारी दिए । 

गुरुङ थाहा नगरपालिका वडा नम्बर १ ओखरबजारस्थित श्री झम्केश्वरी माध्यमिक विद्यालयमा कक्षा ८ मा अध्यय्नरत रहेको शिक्षा शाखा प्रमुख महर्जनले बताए ।

गुरुङले आफ्ना छोरानातीले उच्च शिक्षा हासिर गरिसकेकोले आफ्लाई पढ्न मन लागेर विद्यालय भर्ना भएको बताएको शिक्षा शाखा प्रमुख महर्जनले जानकारी दिए । उनको पढ्ने दृढ इच्छा शक्तिले अरुलाई पनि प्रेरणा मिल्ने महर्जनले बताए ।

बिहीबारबाट सुरु भएको आधारभूत तह कक्षा ८ को परीक्षामा थाहा नगरपालिकामा रहेका सामुदायिक तथा संस्थागत गरी २४ वटा विद्यालयका पाँच सय ९५ परीक्षार्थी सहभागी छन् ।