नेपाली क्यारिकेचर प्रदर्शनी/प्रतियोगिता २०८० मा अनुप गुरुङ प्रथम भएका छन्। प्रदर्शनीसहितको उक्त प्रतियोगितामा अनिशा भण्डारी द्वितीय र विश्व थापा तृतीय भएका छन्। थापा नयाँ पत्रिका दैनिकमा कार्यरत छन्।
प्रदर्शनीमा प्रतियोगी तथा अप्रतियोगी गरी ३३ कार्टुनिस्ट र कलाकारको सहभागिता छ। सहभागीमध्ये २२ जना प्रतियोगी थिए। नक्सालस्थित नेपाल ललितकला प्रज्ञा प्रतिष्ठानको प्रदर्शनी हलमा सुरु भएको प्रदर्शनी चैत १ गतेसम्म सञ्चालन हुनेछ ।
नेपाल ललितकला प्रज्ञा–प्रतिष्ठान, वास्तुकला तथा अन्य सिर्जनात्मक कला विभाग तथा कार्टुनिस्ट क्लब अफ नेपालको संयुक्त आयोजनामा प्रदर्शनी गरिएको हो।