Skip This
बागमती प्रदेश सभाको बुधबारको बैठक बस्दै नबसी स्थगित भएको छ। बुधबार बिहान साढे ११ बजे बस्ने तय भएको बैठक सरकार र विपक्षी दलहरूबीच सहमति जुट्न नसक्दा स्थगित भएको हो।
बैठक बिहीबार बिहान ११ बजे बस्ने गरी स्थगित गरिएको प्रदेश सभा सचिवालयले जनाएको छ। साढे चार महिनापछि मंगलबारबाट सुरु भएको प्रदेश सभा बैठक दोस्रो दिनमै स्थगित भएको हो।
सरकार र विपक्षी दलहरूबीच बजेटमा भएको पूर्वसहमति कार्यान्वयन नगरे बैठक अवरुद्ध गर्ने प्रमुख दल एमालेसहितका दलहरूको चेतावनीपछि बुधबारको बैठक स्थगित गरिएको हो।
बुधबार बिहानैदेखि पटकपटक सहमतिको प्रयास भए पनि दलहरूबीचको संवाद सकारात्मक हुन नसकेपछि बैठक सारिएको हो।
2022-09-29-12-22-58.jpeg)
