तनहुँमा जन्ती बोकेको जिप दुर्घटना : दुईजनाको मृत्यु, १६ घाइते

Read Time : < 1 मिनेट

रासस, दमौली (तनहुँ)

नयाँ पत्रिका

२o८१ जेठ २ बुधबार o७:४७:oo

तनहुँको आँबुखैरेनी गाउँपालिका– १ गिरौनचाैरस्थित भित्री सडकखण्डमा आज बिहान जन्ती बोकेको जिप दुर्घटना हुँदा दुईजनाको मृत्यु भएको छ । बरादी–हिलेखर्कस्थित भित्री सडकखण्डमा जन्ती लिएर गइरहेको बा.१८च ५९२१ नम्बरको बोलेरो जिप दुर्घटना हुँदा दुईजनाको मृत्यु भएको हो ।

मृत्यु हुनेको पहिचान हुन बाँकी रहेको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाणले जानकारी दिए । अनियन्त्रित भई सडकबाट अन्दाजी पाँच सय मिटर तल जिप खसेको थियो । दुर्घटनामा १६ जना घाइते भएका छन् । घाइतेको विभिन्न अस्पतालमा उपचार भइरहेको प्रहरीले जनाएको छ ।

#जीप दुर्घटना